第九章

希望你劝下佢，我就可以放心喇。……你哋宜家同我有咗联系之後，亦要步步为营，有啲重要事你哋喺呢一刻都需要知道！」

    我对Melvin说:「好，有啲咩你即管讲出嚟，……唔驶理狄朗嘅反对！」

    Melvin:「阿琳，喺呢三年里面，我已经打算要离开呢度好耐，宜家，我真系唔走唔得，因为如果我唔同屋企人一齐走，可能会连累Patricia同佢妈咪嘅安危！……」

    我:「你几时要走？点解要走？」

    Melvin:「长话短说，我其实系日本警视厅派嚟加拿大与当地警方合作追查Yakuza帮会头目高野健一嘅犯案罪证，但系佢哋其中睇住帐目嘅负责人喺电脑上发现有人盗走资金流动嘅资料，怀疑有人偷去佢哋帮会洗黑钱线索，所以向有份动用电脑网上银行帐户嘅人埋手，监控我哋每个人一举一动。」

    我:「Melvin，你做嘅工作实在太危险喇！畀佢哋知道你系警察，一定唔会放过你！……请你为自己着想，为家人着想，唔好再做落去喇！」

    Melvin:「身为卧底，你就系被选中做以身犯险嘅嘢，我如果唔做落去将佢哋绳之於法嘅话，我哋成team人都会有危险。」

    Melvin深深x1了口气，说:「……佢哋早於两、三年前已有帮中要员私下做数，穿佢哋老板柜桶底，逐啲逐啲将部份资金调走，纳为己用，已经惹起高野起介心。原本一向我盗走资金流量嘅数据线索系冇问题嘅，但系佢哋加紧咗监控工作之後，开始喺呢两年时间怀疑到我头上。直到上个月初，佢哋洗黑钱